May 2012

CCM Yatoa Ufafanuzi Hotuba Ya Zitto Marekani



KUHUSU MCHAKATO WA KATIBA MPYA

Katika hotuba yake anadai kwamba mchakato wa Katiba Mpya unaoendelea
hivi sasa unatokana na shinikizo la CHADEMA, Asasi za kiraia na
viongozi wa dini.

UFAFANUZI
Huo ni upotoshaji mkubwa na wa wazi kabisa unaolenga kufuta historia
sahihi ya mchakato wa uandikaji au upatikanaji wa Katiba Mpya
unaoendelea hivi sasa.

Ni jambo lililo dhahiri kabisa kwamba mchakato wa Katiba Mpya ni
utekelezaji wa hotuba ya Mhe. Dr. Jakaya Mrisho Kikwete Rais wa
Jamhuri ya Muungano wa Tanzania Mwenyekiti wa Chama Cha Mapinduzi
(CCM) aliyoitoa katika salamu za kuaga mwaka 2010 kukaribisha mwaka
2011 na baadaye katika sherehe za Chama Cha Mapinduzi kutimiza miaka
34 Mjini Dodoma. Hili ndilo chimbuko halisi la hoja ya Katiba Mpya.

Akitoa maamuzi hayo alisema Katiba iliyopo sasa ni nzuri, imetuvusha
salama miaka hamsini iliyopita, tukiwa wamoja, imetujengea umoja wa
Kitaifa. Lakini katika kipindi hicho hicho kumetokea mabadiliko mengi
duniani na hapa nchini ya kisayansi, kiteknolojia, kitamaduni, kisiasa
n.k. Hakuna shaka kwamba sasa tunahitaji Katiba Mpya itakayotuvusha
miaka mingine 50 ijayo. Jambo hili Zitto Kabwe kalinukuu kwenye hotuba
yake anaposema kuwa:-

“Tanzania tunayoitaka kwa miaka mingine hamsini ….” Mantiki hii ya
miaka mingine 50 inatokana na hotuba ya Mhe. Dr. Jakaya M. Kikwete sio
yeye.


KUHUSU UBADHIRIFU SERIKALINI


Katika hotuba yake amedai kuwa CHADEMA ndio viongozi waliobeba dhamana
ya mpito huu, kutoka Serikali ya kibadhirifu isiyojali watu mpaka
Taifa lenye demokrasia iliyokomaa na lenye maendeleo na ustawi wa watu
wake. (Developmental Democratic State).

UFAFANUZI
Kwanza CHADEMA haina “dhamana” ya uongozi wa nchi, mwenye dhamana ya
uongozi wa nchi ni Chama Cha Mapinduzi ambacho kina Rais ambaye ni
Mkuu wa nchi, Mkuu wa Serikali na Amiri Jeshi Mkuu. CHADEMA
wanachokitafuta ni Mob leadership ambayo ni fujo “Anarchy or law
lessness” kitu ambacho huwezi kukidhibiti hata ukishika madaraka
(mfano ni Libya, Mali, Algeria n.k.).

Mob leadership ni fujo kwa sababu ina watu ambao hawana sera ya pamoja
hawana wajibu wa kisheria, hawana maslahi ya kijamii na kidini,
wanadai haki bila wajibu.

Dhamana ya kuwafikisha watu katika Serikali ya kidemokrasia imo
mikononi mwa Serikali iliyopo madarakani. Matamshi yanayotolewa na
baadhi ya viongozi wa CHADEMA yanaonyesha dhahiri kuwa hawathamini
demokrasia ya nchi, umoja wa kitaifa wala amani na utulivu.




Mfano:-

Tamko la Mhe. Joshua Nassari la kumzuia Rais, Mkuu wa Nchi,
asikanyage Mikoa ya Kaskazini mwa Tanzania.




Tamko la Mhe. Kabwe la kudai kuwa Wazanzibar wameporwa mafuta na gesi.
Hata kwenye uchaguzi mdogo wa Mbeya vijijini mwaka 2009 CHADEMA
ilitamka kwamba Mhe. Ali Hassan Mwinyi Rais Mstaafu asikanyage Mbeya.

Tamko la Mhe. Wenje kuwa Mwanza inajitosheleza kuwa nchi kwa
rasilimali zake na hivyo kupendekeza serikali za majimbo ili Mwanza
ijiendeshe yenyewe.

Matamko haya hayawezi kutamkwa na kiongozi mmoja wa CHADEMA bila
ridhaa ya Chama ama sivyo wangekuwa wanachukuliwa hatua na Chama chao.

Kwa kuwa matamshi haya ni uhaini, uchochezi na ufashisti (ANARCHY).
Kauli hizi zinaweza kupelekea machafuko katika nchi, mgawanyiko,
ubaguzi, fujo na umwagaji damu, mambo ambayo yatamwathiri kila raia wa
Tanzania bila kujali Chama chake cha kisiasa.

Kwa hiyo, Chama Cha Mapinduzi ambacho kina dhamana ya uongozi wa nchi
hii kinalaani matamshi hayo na kinawataka viongozi wa vyama vya siasa
waache kutoa matamshi ya hovyo na hatari kwa mstakabali wa Taifa letu.
Chama Cha Mapinduzi kinaitaka Serikali kufuatilia matamshi haya kwa
kina na itoe taarifa kwa wananchi.

KUHUSU WATANZANIA KUTAKA UONGOZI MPYA
Katika utangulizi wa hotuba yake amedai kuwa “watanzania kuliko wakati
mwingine wowote katika historia ya nchi yetu wameamka na kutaka
mabadiliko ya kisiasa na hasa kutaka kabisa uongozi mpya wa nchi
kutoka Chama kingine tofauti na Chama kinachoongoza hivi sasa.”

UFAFANUZI
Chama kinachoongoza hivi sasa ni Chama Cha Mapinduzi “CCM”
unapozungumza kauli kama hii lazima uangalie na hali halisi ya Chama
chenyewe kama Taasisi.

Kwanza, Chama Cha Mapinduzi kina wanachama hai wengi ambao ni
watanzania kuliko CHADEMA.

Pili, Chama Cha Mapinduzi kina mashabiki na wapenzi wastaarabu ambao
ni watanzania wengi kuliko CHADEMA.

Tatu, Chama Cha Mapinduzi katika mfumo wake hakijapata ombwe la
uongozi, kina uongozi katika ngazi za Shina, Tawi, Kata, Jimbo,
Wilaya, Mkoa na Taifa na hao wote ni watanzania. Na kama kuna Chama
chenye heshima ya kuwasemea watanzania wote kila kona ni CCM sio Chama
kingine chochote.

Nne, katika uchaguzi wa ndani ya Chama wa mwaka 2012, watanzania
wameendelea kujitokeza kwa wingi kugombea nafasi za uongozi ndani ya
CCM. Mpaka sasa Mashina yamekwishafanya uchaguzi kwa asilimia 97.56.
Hao walioshiriki uchaguzi huo wa mashina ni watanzania.

Tano, katika chaguzi ndogo za Kata, Vijiji, Mitaa na Vitongoji CCM
imeendelea kuongoza na wanaopiga kura nao ni wantanzania.

Sita, Chama Cha Mapinduzi tangu 2007 kimefanikiwa kufungua matawi yake
nje ya nchi maeneo mbalimbali mfano India, Uingereza na Marekani. Hao
ni watanzania waishio katika ulimwengu wa kwanza na wanaamini kuwa CCM
bado ni imara na hata Mhe. Rais alipoalikwa juzi kuhudhuria mkutano wa
G8 alikutana na wanachama wa CCM Tawi la Marekani. Kitendo cha Mhe.
Rais ambaye ni Mwenyekiti wa CCM Taifa kualikwa G8 ni heshima kubwa
kwa Chama Cha Mapinduzi na Taifa kwa kuwa kigezo cha kumwalika
kilikuwa ni demokrasia, utawala bora, amani na utulivu nchini vigezo
ambavyo vinavutia wawekezaji kutoka nje.

Kwa hiyo, hoja ya Mhe. Zitto ni Batili (futile) kwa sababu anatazama
kwa macho ya ubinafsi kwa lengo la kugombea Urais mwaka 2015.

Uongozi mpya kabisa wa nchi ni upi? Kwa kuwa uongozi wa nchi yoyote
huru na ya kidemokrasia unapatikana kwa utaratibu wa uchaguzi wa
kawaida unaozingatia Katiba na Sheria za nchi katika mazingira ya
uhuru na uwazi na vyama vyote vinashiriki. Afafanue maana ya uongozi
mpya kabisa na namna utakavyopatikana huku akijua kabisa kwamba vyama
vyote vya siasa vitakuwa na haki ya kushiriki uchaguzi. Lazima utapata
uongozi mchanganyiko kama ilivyo hivi sasa katika mfumo huu wa vyama
vingi.

KUHUSU SERA YA MADINI YA 2009 NA SHERIA YA MADINI YA 2010

Katika hotuba yake amedai kuwa Tanzania haina sera ya Gesi asili na
kwamba, sheria ya madini ya mwaka 2010 imetokana na shinikizo la
CHADEMA na Asasi za kiraia.

UFAFANUZI
Chama Cha Mapinduzi katika ilani yake ya uchaguzi ya mwaka 2010 ambayo
inapatikana katika website ya CCM www.ccm.or.tz katika ibara ya 55 ya
ilani imeeleza mafanikio yaliyopatikana katika sekta ya madini kwa
kipindi cha 2005/2010, ambayo ni pamoja na kukamilika kwa sera ya
madini ya 2009 na kupitishwa kwa sheria ya madini ya mwaka 2010.

Mhe. Kabwe mwaka 2009 alikuwa wapi kutoa mchango wake?

Hoja hii ni ya CCM yeye na Chama chake wameidandia kwa malengo ya
kibinafsi na sio maslahi ya nchi.


SUALA LA URAIA WA NCHI MBILI (DUAL CITIZENSHIP)

Mhe. Zitto anadai kwamba suala la uraia wa nchi mbili ni sera ya
CHADEMA.

UFAFANUZI
Suala la uraia wa nchi mbili limekuwa ni sera ya Chama Cha Mapinduzi
na limesimamiwa na Serikali yake, hususan Waziri wa Mambo ya Nje na
Ushirikiano wa Kimataifa Mhe. Bernard Membe.

Katika hotuba ya bajeti ya 2011/2012 iliyotolewa na Mhe. Bernard Membe
Bungeni katika Bunge la Nne kikao cha 31 cha tarehe 22 Julai, 2011
alisema:-

“Ni dhamira ya Wizara yangu kuona suala la uraia wa nchi mbili
linazinduliwa sanjari na Katiba Mpya ya Jamhuri ya Muungano wa
Tanzania.”

Watanzania mnapaswa kujua jinsi Zitto Kabwe anavyoiba hoja kwa manufaa
binafsi alipowadanganya watanzania waishio nchini Marekani na dunia
kwa ujumla akisema:-
“CHADEMA inataka suala hili lifikie mwisho kwenye mjadala wa Katiba.”

Huo ni uwongo mkubwa na uzushi, kwa kuwa dhamira hiyo ni ya Serikali
ya CCM na ilishawasilishwa na Waziri mwenye dhamana Bungeni na yeye
akiwepo.

6. HALI YA UCHUMI WA NCHI
Amedai kuwa uchumi unaokuwa hivi sasa sio uchumi wa watanzania bali ni
uchumi wa watu wachache kwenye sekta chache kama madini, mawasiliano
na ujenzi; hivyo kupelekea watanzania wengi zaidi ya 15m kuishi chini
ya Tshs. 500 kwa siku, kutokuwa na uhakika wa kula na kukabiliwa na
mfumuko wa bei.

UFAFANUZI
Kwanza, takwimu zake sio za kitafiti kwani hazionyeshi chanzo. Pili
hazina ulinganisho wa hali ya maisha ya wananchi wa nchi
zinazotuzunguka ili uchungu alionao moyoni uonekane waziwazi kama ni
kweli au ni uzushi.

Mhe. Kabwe amepotosha kwa makusudi ya kulinda maslahi binafsi ya Urais
wa 2015 kwa kuwa haiingii akilini kuwa Naibu Katibu Mkuu wa Chama
takwimu hizo yeye hajazisoma.

Kwa mujibu wa kitabu cha Hali ya Uchumi wa Taifa katika mwaka 2010
kilichotolewa na Wizara ya Fedha kukuwa kwa sekta ya kilimo
kumeongezeka kwa 4.2% mwaka 2010 tofauti na asilimia 3.2% mwaka 2009.
Lakini katika taarifa yake anadai kuwa uchumi wa vijijini ambako ndiko
kwenye kilimo umekuwa kwa asilimia moja tu (flat lining).

Katika uchambuzi wake wa hali ngumu ya uchumi na mfumuko wa bei kama
angelinganisha na nchi jirani angegundua kuwa mfumuko wa bei kwa
Tanzania upo chini zaidi kwa asilimia 19 ukilinganisha na nchi
zinazotuzunguka ambao mfumuko ni mkubwa zaidi mfano Ethiopia ni 30%.

Katika hali halisi ya maisha ya watanzania wa vijijini chakula chao
hakitokani na pesa, wanakula vitu vingi ambavyo haviingii kwenye
takwimu za uchumi mfano, kuku, mayai, maziwa, mihogo, viazi vitamu,
nyama n.k. Hivyo vinaliwa bila kuingia kwenye mzunguko wa soko ndio
maana hakuna mtanzania anayekufa njaa. Lakini nchi jirani wanakufa
njaa na wanakimbia nchi zao kwa njaa. Mfumuko wa bei ni tatizo la
Dunia nzima sio Tanzania peke yake.

Huyu ni mgombea Urais wa aina gani ambaye si mkweli kwa nchi yake,
hasomi takwimu na anaropoka mambo ya ndani ya nchi hovyo hovyo
duniani.

7. SUALA LA FURSA YA ELIMU
Katika hotuba yake ameeleza kuwa “leo mtoto wa maskini Tanzania hapati
elimu anayopata mtoto wa mwenye uwezo.” Na kwamba Tanzania ijiandae
kupokea bomu litakaloletwa na kundi kubwa la vijana wasio na elimu
wala ujuzi.”

UFAFANUZI
Huo ni uwongo na uzushi unaolenga kutetea maslahi binafsi. Kwa kuwa
katika uchambuzi wake amejikita kwenye shule binafsi na sio shule za
serikali ambazo zipo katika vijiji vyote Tanzania, vinatoa elimu huru,
sawa na bila ubaguzi.

Serikali ya Tanzania imetoa fursa ya Elimu kwa kila mtoto wa Tanzania
tangu awali. Mpaka imefikia wakati hata mabinti wa kazi za ndani
(house girls) hawapatikani wote wapo mashuleni.

Kuthibitisha hilo mnamo tarehe 20/9/2010 Tanzania ilipata tuzo ya
utekelezaji mzuri wa miradi ya Elimu katika ngazi za awali, elimu ya
msingi na sekondari kutoka umoja wa mataifa. Waziri Mkuu Mizengo Pinda
alipokea Tuzo hizo Mjini New York.

Hivi huyu Naibu Katibu Mkuu wa CHADEMA anakuwa wapi asiyaone haya
mpaka kwenda kuwadanganya watanzania waishio Marekani huko huko
ilikotolewa Tuzo?

Serikali ya CCM imejenga Vyuo vya kutosha vinavyozalisha wasomi wa
kutosha na hata bomu tunalojiandaa kulikabili ni la vijana wasomi
ambao hawana ajira na sio vijana wasio na elimu kama anavyodai yeye.

IMETOLEWA NA TAWI LA CCM MAKAO MAKUU
DODOMA
28/05/2012

Mwanafunzi akifanya mazoezi kwenye kompyuta
Mwanafunzi akiwa anafanya mazoezi kwenye kompyuta
Wanafunzi ndani ya somo la TEHAMA kwa vitendo
Wanafunzi wa Shule ya Sekondari Mpunyule wilayani Kilwa wakijifunza somo la TEHAMA kwa vitendo.Shule nyingi nchini zinafundisha somo la TEHAMA kwa nadharia hivyo wanafunzi kubaki na uelewa mdogo wa stadi husika kutokana na kukosa uhalisia wa vifaa vya kufundishia.
 Wanafunzi wa sekondari ya Mpunyule wakiendelea na mazoezi ya Kopyuta.
Huu ni mfano wa kuigwa kwa shule zingine kwani kuwepo kwa mazingira na vifaa vya kufundishia kama vile Kompyuta kunarahisisha uelewa wa wanafunzi. Safi sana shule ya sekondari Mpunyule.

Shule tatu wilayani Liwale zipo kwenye mpango wa kusaidiwa kompyuta na shirika lisilokuwa la kiserikali la UKENGEE FOUNDATION ambalo toka mwaka 2009, limesaidia zaidi ya wanafunzi 9,000  kusoma  somo la TEHAMA kwa vitendo tofauti na shule zingine za serikali ambao husoma nadharia tuu.

Shule ya Sekondari Mpunyule ni shule ya kata, ina jumla ya kompyuta 20 zinazotumiwa na wanafunzi 264 wa kidato cha kwanza mpaka cha nne.Kutokana na shule kutokuwa na umeme, kompyuta hizi zinatumia umeme wa jua. Shule hii ipo kilometa 105 kutoka kilwa mjini.Hii ni mojawapo ya shule tatu za wilaya ya kilwa zenye vifaa hivi adimu kwa shule nyingi nchini. Shule zingine zenye kompyuta wilayani Kilwa ni Kilwa Day na Ilulu.
Breaking News: Goodbye Angola!
Angola's Seydou and Esperanca are finally leaving StarGame for good.

After dilly-dallying for weeks, the Angolan duo eventually agreed to disagree and left the show. Though Seydou was not keen on leaving, Esperanca was adamant that she wanted to leave as soon as possible.

"I feel sorry for my partner and I wish things would be different. I'm stressed out, depressed and I am not going to put my health in danger," Esperanca explained.

An evidently furious Seydou expressed how unfair Esperanca is and threatened that "It will be chaos out there," as he walked out of the Diary Room. His recently acquired love interest, Talia was inconsolable as Seydou said his goodbyes. She too couldn't stop cursing at Esperanca.


I'm Done!



This is the second couple to voluntarily exit StarGame after the Nigerian duo of Chris and Ola who had to leave due to Ola's health condition.

This means that 12 Housemates have left Downville in three weeks with only two, Zainab and Maneta, upgraded to Upville.

- By Lindiwe Nkonyane

Wanafunzi Chuo Kikuu wabakwa, walawitiwa




Image

Imeandikwa na Sifa Lubasi, Dodoma
 
WANACHUO wa Chuo Kikuu cha St John mjini Dodoma, leo wamegoma kuingia
madarasani hadi wawasilishe malalamiko yao kwa Kamanda wa Polisi wa
Mkoa, Zelothe Stephen kutokana na kukithiri kwa vitendo vya kupigwa
nondo, kuibiwa kadi za benki, kompyuta za mkononi, kulawitiwa na
kubakwa.

Hali hiyo ilisababisha wanafunzi kukusanyika huku wakiwa wamebeba
mabango mbalimbali ambayo yalikuwa yakisomeka, ‘Tunaomba ulinzi ili
kubaka na kulawitiwa kukomeshwe’, ‘Ulinzi ni haki yetu ya msingi polisi
Mko wapi? Tumechoka kuwa wajinga katika jamii yetu na Ulinzi Shirikishi
stop crime.’

Baadhi ya wanafunzi hao walilaani vitendo vya wenzao kubakwa na
kulawitiwa na kudai kuwa katika siku za hivi karibuni, mwanafunzi wa
kiume ambaye anasoma mwaka mwaka wa pili aliibiwa na kisha kulawitiwa
hali iliyolazimu alazwe hospitali.

“Kesi kadhaa zimepelekwa polisi lakini hakuna chochote kinachofanyika,” alisikika mwanachuo moja akizungumza kwa jazba.

Walisema kwa muda mrefu wamekuwa wakikabiliwa na wakati mgumu
kutokana na kuibiwa vifaa muhimu zikiwemo kompyuta za mkononi hali
ambayo hulazimika kuishi kwa hofu.

“Juzi wenzetu wamevamiwa usiku na kuporwa simu tano na laptop tatu
sasa tunaona maisha yanakuwa magumu sana kwetu kwani usalama wetu sasa
ni mdogo,” alisema mmoja wa wanafunzi hao.

Walisema hali ni mbaya zaidi kwa wanafunzi ambao wanaishi nje ya
chuo kwani hata kujisomea nyakati za jioni kumekuwa kwa mashaka
kutokana na kuogopa kuvamiwa na vibaka.
Walisema baadhi ya wenzao wanaanza mitihani Juni, hali ambayo
inawatia hofu kama wimbi hilo la kuvamiwa na vibaka linaweza hata
kupunguza ufaulu mioungoni mwao.

Pia walitaja sababu kadhaa ambazo zinadhaniwa kuwa zinasababisha
matukio hayo ni chuo hicho kukosa uzio na hivyo kufanya mwingiliano wa
watu na wanachuo kuingia chuoni bila kuwa na utaratibu.

Walisema kundi lisilojulikana limekuwa na kawaida ya kuvamia sehemu
ambazo wanachuo wanakaa na baada ya kuiba vitu mbalimbali humalizia kwa
kubaka wasichana au kwa kulawiti kama ni mvulana.

Hata hivyo, juhudi za wanafunzi wao kumpata Kamanda wa Polisi Mkoa
wa Dodoma hazikufanikiwa baada ya kuelezwa kuwa alikuwa na majukumu
mengine ya kikazi, na kutuma mwakilishi wake ambaye ni Mkuu wa Polisi
Wilaya, Dominic Mlei na Mkuu Mpya wa Polisi wa Wilaya atakayeanza kazi
hivi karibuni, Thadeus Malingumu.

Kwa upande wake, OCD Mlei alisema ulinzi unaanza rasmi leo, kufanya
doria maeneo yanayozunguka chuo hicho na maeneo jirani, pia chuo
kijenge hosteli za kutosha na kwa kila hosteli za nje na nyumba
walizopanga wanafunzi zitakaguliwa kesho na mapungufu ya kiusalama
kwenye makazi hayo yataainishwa na wamiliki wataitwa na hosteli zote
zitatakiwa kuwa na mageti na ulinzi wa makazi hayo kuboreshwa.

Pia alitaka kuundwa kwa mara moja kwa vikundi vya ulinzi shirikishi.

Hata hivyo, mtumishi wa Chuo hicho, Mzee Muganda alishauri Kituo Kidogo cha Polisi kijengwe Kikuyu na bidii ya doria iongezwe
Source: Habari Leo Mtandaoni

Miss Universe Tanzania Nelly Kamwelu kufanya harambee ya kuchangia saratani ya matiti


Na Mwandishi wetu
 
MREMBO anayeshikilia taji la Miss Universe Tanzania 2011/2012 Nelly Kamwelu kwa kushirikiana na Mfuko wa Saratani ya Matiti Tanzania (Breast Cancer Foundation) leo atafanya harambee ya kuchangia mfuko wa saratani ya matiti itakayofanyika kwenye Hoteli ya Serena jijini Dar es Salaam.
Harambee hiyo imepangwa kuanza saa 1.00 usiku kwa mujibu wa muandaaji wa mashindano ya Miss Universe Tanzania na Mkurugenzi Mtendaji wa Kampuni ya Compass Commutations, Maria Sarungi Tsehai.
Maria alisema kuwa katika hafla hiyo kutakuwa na mnada wa kito cha Tanzanite ambayo imetolewa maalum na  kampuni ya Richland Resources kwa ajili ya kuchangia mfuko huu. Pia picha ya Mrembo wa Miss Universe Tanzania itanadiwa katika mnada huo.
Mrembo Nelly Kamwelu toka achukue taji la Miss Universe Tanzania 2011, amekuwa akifanya kazi bega kwa bega na mfuko wa saratani ya matiti ikiwamo kusaidia kutoa elimu katika shule mbalimbali ili kupunguza au kutokomeza uwezekano wa kuenea kwa saratani ya matiti. Mfuko huu umepanga kuendeleza elimu hii kwa shule za mikoa ya Mbeya, Ruvuma, Rukwa, Iringa, Mtwara na Lindi.
Kwa kusindikiza hafla hii kutakuwa na maonyesho ya mavazi yaliyotolewa na wabunifu wa hapahapa nchini ambao ni Escado Bird, Kemi Kalikawe na Subira Wahure vilevile kutakuwa na burudani ya muziki kutoka msanii Enika na mchekeshaji Evans Bukuku. Pia mrembo mwenyewe Nelly Kamwelu atatoa burudani ya dansi aina ya Belly Dance.
no image

HOFU ya kumpoteza mchezaji wake wa kimataifa wa Uganda, Emmanuel Okwi, imeifanya klabu ya Simba kumweka sokoni kwa dau la sh bil. 2.
Simba itakuwa imeweka dau hilo kama wigo wa kumzuia kuondoka, kwani hakuna timu itakayoweza kutoa kiasi hicho cha fedha.
Akizungumza na Tanzania Daima jana, Ofisa Habari wa Simba, Ezekiel Kamwaga, alisema mbali ya kiasi hicho, kuna masharti mengine kwa klabu itakayomtaka Okwi.
Kamwaga alisema sharti jingine ni kuweka bayana mshahara wa nyota huyo ili kumwepusha na dhiki ya maisha.
Sharti jingine, ni muhimu kwa klabu husika kuwa na uongozi imara ili nyota huyo asipate dhiki inayoweza kusababishwa na matatizo ya kiuongozi.
“Hayo ndiyo masharti kwa timu ambayo itakuwa inamhitaji Okwi, hatutakuwa kikwazo kwa klabu itakayokidhi vigezo hivi muhimu kwa maslahi ya mchezaji,” alisema Kamwaga.
Kamwaga alisema, wameweka bayana hilo kutokana na Okwi kuwindwa na klabu nyingi za ndani na nje ya nchi, ikiwemo Austria.
Alisema, kupitia mtandao klabu moja ya huko imeonesha kumtaka Okwi, hivyo wamewapatia masharti hayo muhimu kama kweli wanamtaka.
Kamwaga alisema, kama kutakuwa na klabu itakayoridhia masharti hayo iwe ndani au nje ya nchi, wao Simba hawatakuwa kikwazo.
Chanzo:-Tanzania Daima (http://www.freemedia.co.tz

EDEN HAZARD ATHIBITISHA KUJIUNGA NA CHELSEA

Kupitia akaunti yake kwenye mtandao wa Twitter Eden Hazard amethibitisha atajiunga na Chelsea.

Ameandika "Najiunga na mabingwa wa ulaya,"
Chanzo:- Shaffihdauda blog

YANGA WAJIPANGA KUIBOMOA SIMBA - WAMTAKA NYOSSO, JABU NA UHURU AMBAYE AMEKIRI HANA MKATABA SIMBA

KATIKA hali ya kujiimarisha kwa ajili ya msimu wa Ligi Kuu, klabu ya Yanga imepanga kuivamia kambi ya Simba na kusajili wachezaji watatu wa kikosi cha kwanza cha mabingwa hao wapya wa Bara.
Kwa mujibu wa taarifa za ndani za Kamati ya Usajili ya klabu hiyo zilizopatikana jana, zimewataja wachezaji hao kuwa ni beki wa kati, Juma Nyoso, Juma Jabu na kiungo chipukizi Uhuru Selemani.
Habari zaidi zinadai kuwa, Wanajangwani wako tayari kumwaga kiasi kikubwa cha pesa ili kuwanasa nyota hayo walioiwezesha Simba kutwaa ubingwa msimu huu kabla ya ligi kumalizika.
Mtoa habari amepasha kuwa, tayari mazungumzo ya awali yamefanyika na kinachosubiriwa ni uamuzi wa wachezaji hao kukubali ofa na kisha kusaini mikataba.
“Tumeshafanya mazungumzo ya awali, kwa sasa hatuwezi kuweka wazi kila kitu lakini tunachosubiri ni wao kukubali kusaini mikataba kwa ajili ya msimu ujao," alisema mtoa habari ambaye hakutaka jina lake kuandikwa gazetini kwa vile siyo msemaji.
"Tunaamini kama tutawapata, basi tutakuwa tumepiga hatua kubwa katika usajili kwa ajili ya msimu ujao," alisema zaidi.
Aidha, alisema mbali na wachezaji hao pia wana mpango wa kusajili wachezaji wawili wa kimataifa kutoka Rwanda waliong'ara wakati wa michuano ya Kombe la Chalenji mwaka jana.
Wachezaji hao ambao ni 'mapacha' wa ushambuliaji wa klabu ya APR ni Meddie Kegere na Olivier Karekezi.
"Kwa sasa hatuna tena tatizo na pesa za usajili, tuna kila uwezo wa kumsajili mchezaji tutakayemtaka," alisema mtoa habari.
Juhudi za kuwatafuta wachezaji hao kuthibitisha madai ya Yanga zilishindikana isipokuwa mchezaji Uhuru aliyesema: "Nachoangalia ni maslahi niko tayari kwenda timu yoyote itakayonihitaji na kufika dau."
Aidha, alisema anashangaa uongozi wa Simba kuwa kimya bila kusema lolote mpaka sasa wakati wanafahamu mkataba wake umefika tamati.
"Sina mkataba na Simba kwa sasa na sijaona jitihada zozote za viongozi wala sijapigiwa simu kufahamishwa kama nitaendelea kubaki ama naondoka. Niko huru naangalia atakayekuja na dau kubwa," alisema.
Uhuru ameichezea Simba karibu misimu mitatu.

KOCHA MPYA LIVERPOOL - AMRITHI KENNY DALGLISH

Rodgers akiwa na Kenny Dalglish
Utafutaji wa kocha wa Liverpool hatimaye umefikia tamati baada ya Brendan Rodgers kukubali kujiunga the Merseyside club kwa mkataba wa miaka mitatu kuiongoza klabu hiyo ya Anfield.

Rodgers atatangazwa rasmi kumrithi Kenny Dalglish ndani ya masaa 24 yajayo baada ya kumpa taarifa mwenyekiti wa Swansea Huw Jenkins kwamba anataka kuhamia Anfield.
Na moja ya kitendo cha kwanza anachoweza kukifanya ni kumsaini Gylfi Sigurdsson, ambaye bado hajafanyiwa vipimo vya na afya na Swansea ili kukamilisha uhamisho wake wa £8 million kutoka Hoffenheim.

Liverpool itabidi wailipe fidia inayokadiriwa kufikia £5million ili kuweza kumpata Rogders.

Rodgers aliongea na maofisa wa Anfield jana jumatano, akiwemo mwenyekiti Tom Werner, baada ya Swansea kuwapa ruhusa ya kuongea na kocha huyo juzi jumanne - na bado ya mkutano huyo Rodgers alienda Wales kumwambia Jenkins kwamba ataondoka Liberty Stadium kuelekea Anfield.
no image

ROME, Italia
MSHAMBULIAJI wa Manchester City anayechezea timu ya taifa ya Italia, Mario Balotelli amesema kuwa ataondoka uwanjani endapo ataonyeshwa vitendo vya ubaguzi wa rangi wakati wa Fainali za Euro zinazoandaliwa kwa pamoja kati ya Poland na Ukraine.

Jarida ya Shirika la Utangazaji la Uingereza, BBC, lilisema kuwa wenyeji wa Fainali za Euro wamekuwa na tabia ya ubaguzi wa rangi na UEFA imesisitiza kuwa m chezo unawez akuvunjwa endapo itatokea hali hiyo.

Mshambuliaji huyo wa Italia, Balo, 21, alisema: “Endapo mtu atanipiga kwa ndizi mtaani, ni wazi nitakwenda jela kwa sababu nitamuua.“Ubaguzi wa rangi hauna nafasi kwangu, siwezi kuuendekeza. Naamini hakutakuwa na matatizo katika Fainali za Euro, na ikitokea nitarudi nyumbani.

“Lakini tuko katika michuano ya Euro 2012, najua haiwezi kutokea.”

Balotelli, 21, alikumbana na hali hiyo akiwa na City katika michuano ya Ligi ya Europa walipocheza na Porto mapema Februari.Lakini hakupata tabu sana na alipokuwa Inter Milan mwaka 2009 aliwahi kurushiwa ndizi.

Balotelli aliiambia France Football: “Najua wanaweza kunifuata askari kuja kunikama, kwa sababu naapa, nna ninaapa kweli nitampa mtu kipigo cha sawasawa. Nitawapiga kweli. “Lakini bado nina imani hilo haliwezi kutokea.”

Tukio lingine lililotokea Italia ni wakati Balotelli  alipodhihakiwa na mashabiki wa  Juventus.

Alisema: “Nakumbuka vizuri na hiyo ni kwa sababu nafunga mabao. Kimsingi, watakuwa watu wazuri na hawawezi kufikiria hilo la kukufanya ukasirike. Kikubwa wanachofanya ni kukuchanganya kwa kukukebehi.

“Nilijifanya sioni lolote lililotokea kwa sababu nilitaka kucheza mpira. Nilikuwa bado mdogo. Nilichokifanya ni kumwambia mwamuzi. Lakini kama ningemwambia mwamuzi asimamishe mchezo nisingefunga.”
Slaa amlipua waziri wa Kikwete

KATIBU Mkuu wa Chama cha Demokrasia na Maendeleo (CHADEMA), Dk. Willbroad Slaa amemtaka Mbunge wa Mtwara Vijijini, Hawa Ghasia kuacha kutisha na kuwakamata wananchi wanaomuuliza maswali katika mikutano ya hadhara akidai amekashifiwa.
Akihutubia umati wa wananchi katika Kata ya Mtimbwilimbwi na Nanyamba, Slaa alisema ni uvunjaji wa sheria na ubabe kukamata wananchi waliowapigia kura.
Slaa alisema hayo baada ya wananchi kumwelezea kuwa, wamekuwa wakikamatwa na viongozi wa serikali na CCM wanapouliza maswali, ndiyo maana wameingiwa woga.
Alisema Ghasia ambaye pia ni Waziri wa Nchi, Ofisi ya Waziri Mkuu (TAMISEMI), anafanya vitendo hivyo kwa kuwa ana uhakika wa kutogombea tena ubunge katika Jimbo la Mtwara Vijijini baada ya kutambua kuwa hawezi tena kushinda.
Slaa alisema maisha ya wakazi wa Mtwara Vijijini na umasikini unaowazunguka, ni aibu kwa uongozi katika miaka 50 ya uhuru, ambapo wajawazito wanalazimika kwenda hospitali wakiwa na vifaa.
“Enzi za Mwalimu Nyerere hakukuwa na suala hilo, leo hata mtoto mdogo anajua kuwa mama yake anakaribia kujifungua kwa kuwa ni lazima atakuwa anahangaika kutafuta vifaa vya kujifungulia,” alisema Dk. Slaa.
Alibainisha kuwa, Jimbo la Karatu ambalo wananchi wake hawakuwahi kuwa na waziri kwa miaka 15 sasa, wanafikiria kuingiza maji ndani ya nyumba zao wakati Mtwara Vijijini ambayo mbunge wake ni waziri, wananchi wanatafuta maji umbali wa zaidi ya kilometa 10.Katika hatua iliyoonesha kukithiri kwa umasikini, Dk. Slaa alilishwa supu ya ngozi ya ng’ombe kama kitoweo, ambapo wananchi walidai wamefanya hivyo kwa kuwa hawana uwezo wa kununua nyama.
Walisema hata hizo ngozi ni lazima aende mtu kuzifuata Mtwara mjini na siku inapokosekana wanajihesabia kama wamekosa nyama halisi.
Kufuatia hali hiyo, Dk. Slaa aliwataka wananchi wa Mtwara mjini kujiepusha na kuuza uhuru wao kwa gharama ya shilingi elfu tano na badala yake wasimamie ukombozi wa kweli.
MBOWE KUMBANA WAZIRI MKUU
Akizungumza katika mikutano aliyoifanya katika kata za Madimba na Tangazo, Mwenyekiti wa Taifa wa CHADEMA, Freeman Mbowe amesema kuanzia sasa atakuwa msemaji wa wakazi wa Mkoa wa Mtwara kwa kuwa hawana msemaji wa shida zao hususan kuhusu zao la korosho na gesi.
Alisema akifika bungeni swali lake la kwanza kwa waziri mkuu ni kumuuliza Serikali ya CCM inatumia sera gani kuchimba gesi katika Mkoa wa Mtwara.
Mbowe alishangazwa na kitendo cha serikali kuweka nguzo za umeme katika maeneo yenye nyumba za nyasi, na kukiita kitendo hicho kama dharau, na kwamba ilipaswa kwanza kuhakikisha wananchi wake wana nyumba bora.
WENJE AMVAA MBATIA
Mbunge wa Nyamagana, Ezekiel Wenje (CHADEMA) amemshambulia Mwenyekiti wa Taifa wa chama cha NCCR-Mageuzi, James Mbatia akidai amefungishwa ndoa ya mkeka na CCM, kwa kupewa ubunge wa viti maalum na Rais Jakaya Kikwete ili kumsaidia kutekekeza ilani isiyotekelezeka.
Akizungumza na wananchi wa Kata ya Majengo katikati ya mji wa Mtwara juzi, Wenje alisema kitendo cha Mbatia kukubali ubunge wa viti maalumu, kimeonesha udhaifu wake mkubwa, kwamba si mpinzani wa kweli wa kupinga ufisadi na ubadhirifu unaofanywa na Serikali ya CCM.
Hatua hiyo ya Wenje kumuita Mbatia mbunge wa viti maalumu, iliibua mvutano katika mkutano huo baada ya makundi ya watu kutofautiana, wengine wakisema hata CHADEMA kuna wabunge wa viti maalumu.
Kutokana na mabishano hayo, ilimlazimu Wenje mwisho wa mkutano kutoa ufafanuzi jinsi wabunge wa viti maalumu wa chama wanavyopatikana na wabunge wanaoteuliwa na rais kwa mujibu wa mamlaka ya ibara ya 66 (1) (a) ya katiba ya nchi.
“Ndugu zangu hakuna sababu ya kubishana hapa, wapo wabunge wa viti maalumu wa chama husika wanaotokana na idadi ya wabunge halali waliochaguliwa kwa kura za wananchi, na wapo wabunge wa kuteuliwa na rais kwa mujibu wa kifungu hicho, wote ni wabunge, lakini tofauti yao ni huyu ni wa rais na huyu ni wa wananchi.

Chanzo:- Tanzania Daima
no image
 Mkapa atoa siri ya mafanikio, Lema amvaa
 .
RAIS Mstaafu wa Awamu ya Tatu, Benjamin Mkapa, ameeleza siri ya mafanikio ya uchumi na siasa ya Serikali yake, miaka kumi aliyokaa madarakani kuwa ni uwazi na ukweli katika mambo yote hata magumu yaliyoikabili Serikali.

Akizungumza kwenye mjadala maalumu kuhusu uwekezaji barani Afrika, ulioandaliwa na Taasisi ya Uwezeshaji na Uwekezaji (ICF), Mkapa aliyetambulika enzi zake kama Mzee wa uwazi na ukweli, alisema sera hiyo ilimsaidia kupata uungwaji mkono kutoka kwa umma ambao ulipewa fursa ya kujua mazuri na mabaya yaliyokuwa yakitokea na njia ya kukabiliana nayo.

“Uwazi na ukweli ulisaidia kuwapa wananchi taarifa sahihi kuhusu hali ya uchumi, fedha na changamoto zote zilizoikabili Serikali na wao kupata fursa ya kushiriki kuzitafutia ufumbuzi,” alisema Mkapa.
Alitaja baadhi ya changamoto hizo kuwa ni kuwawezesha kiuchumi wanawake na vijana ambao ndiyo idadi kubwa ya wananchi sehemu nyingi duniani.

Hata hivyo, wakati Mkapa akitamba kwa mafanikio hayo,  Mjumbe wa Kamati Kuu ya Chadema, Goodless Lema, ‘amemvaa’  na kumtupia lawama kutokana na umaskini uliotopea Mtwara licha ya mkoa huo kuwa na utajiri wa kutisha.

Akihutubia mkutano wa hadhara Kijiji cha Mangamba, Kata ya Likonde, Wilaya ya Mtwara jana, Lema alisema Mkapa licha ya kuongoza taifa kwa miaka 10, alishindwa kuwawezesha wakazi wa mkoa huo kuondokana na umaskini. 

“Mkapa amekaa madarakani kwa miaka 10 lakini Mkoa wa Mtwara umeendelea kuongoza kwa umaskini nchini,” alisema Lema na kuongeza:

 “Leo nimepata jibu kwa nini Mkapa ameukimbia mkoa huu, hataki kuishi hapa, nimetembelea Kijiji cha Namayanga na kujionea umaskini unaotisha.”

Alisema wananchi wa Mtwara hawapaswi kuvitazama viashiria vya maendeleo kama majengo ya ghorofa yaliyopo Dar es Salaam, bali kuitazama hali yao ndani ya mkoa alikozaliwa Mkapa.Lema ambaye alikuwa Mbunge wa Arusha Mjini kabla ya ushindi wake kutenguliwa na mahakama, alisema kushindwa kwa Mkapa kufikia matarajio ya umma, kunaweza kutumika kama kigezo cha kumuombea dua mbaya.“Mkapa ameiongoza nchi hii kwa miaka 10 akiwa Rais, leo hii Mtwara ni aibu tupu watu wa hapa wanaishi katika nyumba za nyasi na udongo zinazotaka kudondoka, bila elimu wakitembea pekupeku na kushindwa hata kumudu kununua malapa ya Sh700,” alisema.

Alisema Mtwara ina rasilimali za asili kama bahari, gesi, ardhi yenye rutuba kwa kilimo cha korosho, mafuta na bandari yenye kina kirefu, lakini bado inakabiliwa na `umasikini wa kutupwa.’
Lema alisema kutokana na umaskini huo, Mkapa ambaye ni mzaliwa wa Kijiji cha Lupaso, wilayani Masasi, ameamua kukimbia mkoa kwenda kuishi Lushoto, mkoani Tanga.

 Alisema hata wa watoto wao wameishia mitaani kufanyabiashara ndogo za korosho, maji, mitumba na nyinginezo zinazodhalilisha utu wa binadamu kutokana na kukimbia maisha magumu mkoani humo.
“Leo hii Machinga kila mahali, hili ni zao la wanaMtwara kutokana na kupumbazwa kielimu hawataki watoto wenu wasome waweze kufunguka akili zao na kudai haki,” alisema.

Alisema badala yake watawala wanawanyonya haki zao ikiwamo kuwakopa wakulima wa korosho, hivyo kusababisha mzunguko mdogo wa fedha.

Alisema kama mzunguko huo ungekuwapo, wakulima wangeweza kuwalipia watoto mahitaji yao kama ada za shule, lakini kwa vile hilo halifanyiki, wamebaki kuwa mbumbumbu na kutawalika kwa rahisi.
Aliwataka wakazi hao kuachana na CCM kutokana na kuendelea kuwapumbaza kwa zaidi ya miaka 50 na kujiunga  na Chadema kupigania mabadiliko ya nchi.

Katika hatua nyingine, Lema alisema ataandaa maandamano makubwa mjini Arusha kutaka watu wote waliomo magerezani mkoani humo wanaokabiliwa na kesi mbalimbali za wizi wa kuku, sigara, ubakaji, ujambazi na wahalifu wote kuachiwa huru iwapo Serikali ya CCM haitawafikisha mahakamani mawaziri waliojiuzulu wanaodaiwa kutafuna zaidi ya Sh9 bilioni za umma.

 “Haiwezekani hawa wezi wa mabilioni ya shilingi waishie kujiuzulu, huku maskini ambao wengi wamefungwa kwa kesi za wizi wa kuku na wengine kufungwa kwa kusingiziwa... nao waachiwe huru kama walivyoachiwa mawaziri